Një 38-vjeçar i shpallur në kërkim ndërkombëtar është arrestuar nga policia e Durrësit, me qëllim esktradimi drejt Italisë.
Uniformat blu kanë bërë të ditur se kanë vënë në pranga Tedi Hoxhën, banues në Durrës.
Gjykata në Itali kishte lëshuar një urdhër arresti ndërkombëtar 38-vjeçarin për veprat penale e korrupsionit, ndalimin e pajisjeve interceptuese dhe ndalimin e ndërprerje të komunikimeve kompjuterike.
NJOFTIMI I POLICISË
Vijon puna për kapjen e shtetasve të shpallur në kërkim ndërkombëtar.
Specialistët për Narkotikët kanë arrestuar një shtetas me qëllim ekstradimi drejt Italisë.
Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Interpol Tirana, mbrëmjen e djeshme kanë bërë të mundur arrestimin e përkohshëm me qëllim ekstradimi drejt Italisë të një shtetasit të shpallur në kërkim ndërkombëtar, konkretisht:
- Tedi Hoxha 38 vjeç , banues në Durrës.
Gjykata Magjistrate e Hetimeve Paraprake Torino/Itali me vendimin Nr.15542/2015 RG GIP datë 20.12.2016 ka lëshuar urdhër arresti ndërkombëtar në ngarkim të shtetasit të mësipërm, për kryerjen e veprave penale “Organizatë kriminale” “Konspiracion penal me synim qasjen e paautorizuar në sistemin e informacionit” dhe “Instalimin e pajisjeve interceptuese”,”Ndalimi ose ndërprerjen e komunikimeve informatike,”parashikuar në nenet 415, 615, 617 të Kodit Penal Italian dhe nenet 55 të Dekretit Nr. 231/2017.
Materialet i kaluan Prokurorisë pranë Gjykatës së Shkallës së Parë Durrës për veprime të mëtejshme.
